不再是天選之人

 

終於不是天選之人！

返工前check 喉嚨明明無事

返到公司再check 就中左..

如果一早知，我就唔會返工啦～～

現時病徵係

全身骨痛，同埋會發冷！

喉嚨少少痛

好彩身邊同事唔擔心

-

今日會諗，如果仲同牛一齊緊

佢應該又會覺得係因為我無健身/做運動，抵抗力弱所以中招吧😂😂

然後應該都係繼續blame我🤔 而唔係關心我

又可能會話放物資喺我屋企門口

但佢應該會覺得黎我屋企好遠！車又等得耐😂😂

投降了

投降了

深知自己身體不好

但

原來疫情3年無病過，到3年後才病了一場就是我有問題。

原來烈日當空，只有起身時飲過幾啖水，無早餐、無水份補充情況下中暑都是我有問題。

投降了

還記得想當年曾經講過嘅「條命你嘅，關我L事」

難怪到我有事時唔係關心下我而係blame 我！

到今日嘅「執野走」都睇得出你無帶任何留戀咁講出黎..證明今次下定左決心！

而我亦從此從你心裡面趕走左出黎。

希望你可以繼續向前行！遇到個會同你前進的人.！

給Bosco

牛

唔知你仲會唔會黎呢度睇…

你話我8月尾已經鋪緊路（講分手）

係！的確我8月尾已經諗過想分開

原因唔係你所諗嘅我識第二個、或同人一齊

而係我發現你有單獨同女人出去睇戲、食飯行街！

而喺呢日之前，我亦發現左樣野…..

我知道後好亂，亦將呢兩件事聯想埋一齊！

明明前一日你同我睇戲食飯行街

之後一日你又係做同一樣野，只係身邊嗰個人唔同

你係有講你係同朋友一齊

但係你有無講係女人？

當然可能嗰個女人其實自己有另一半，你地真係朋友

但你無同我講，喺我角度，我會覺得你有野隱瞞我。

所以有一晚問你愛唔愛我，你話愛我，我亦選擇信你。

之後，我自己平伏後再同你一齊睇戲行街食飯

然後當日無拖手、無乜身體接觸

咁我諗，其實我同嗰個女人有咩分別？

所以夜晚我又問左你一句我地咩關係

你答唔知…

個感覺仲難受過你同我講你有另一個咁

明明生日又一齊過。好似好開心咁

但最後換黎「唔知」嘅關係

之後我再問你會唔會想識其他人、同其他人發展

你答無時間、無衝動

咁我就信你同嗰個女人只係朋友

係因為信！

所以我努力咁繼續愛你

之後籌備買月餅俾你同你屋企人

我真係諗住你會喺中秋正日同追月日是但一日約我

真係諗都無諗過你竟然搵星期一..

你仲要話我星期三先問你「姐」

我夠試過7月中就問定你生日去唔去staycation

但係你有回應過我咩？

去到最後一刻啲酒店貴哂先講話去…

我當時話中秋節只係食飯行ikea 

成件事係好普通，的確係幾時都可以做

但因為同你咪唔普通！

因為團圓嘅日子就係想同你過

你仲調返轉頭話我唔明！

點解你明明話星期日做gym 清report

點解最後你可以即時約到朋友出去食鐵板？

定又一早喺月曆mark 左但無講？

點解你啲朋友可以中秋兩日都同你一齊？

但！其實我只會諗會唔會又有嗰位女士一齊呢？

令我越來越唔信你，越來越無安全感

亦覺得你唔重視我！

而你問「上次做乜唔拎埋（月餅）？」

我想同你講，你兩個外甥兩盒月餅，我走左三間舖先買得齊兩款！你媽嗰盒月餅，本身想買望月，奈何就係一早無哂，我搵左好耐，搵到間又黃又話好味嘅，8月尾訂，到9月8先攞，就係諗住你兩日中秋點都會有日約我，我可以趁新鮮俾到你…可惜～～～

你再話我搞咁多野又唔講

驚喜你識唔識？同埋如果我講俾你知，你咪會叫我唔好買…

點解我咁用心做咁多野但你好似一啲都唔欣賞仲好似講到我做乜搞咁多野咁

你話同我無節日概念

明明聖誕會送聖誕禮物，睇燈飾

1月1都有見，同睇戲食飯

新年送蘿蔔糕同食片皮鴨（雖然啲鴨好一般）

情人節同我食Dan Ryan

生日慶祝…….

原來呢啲叫無節日概念

其實如果星期日你約我，又或者當日喺又一城你唔係係咁話我新香港人…我諗成個結果已經唔同哂！（起碼唔會講想完）

我都好愛你但我諗我愛唔到了

我地都已經無任何紀念日，連基本嘅節日都話無概念

我無話可說！

又或者可能只係對我無呢種概念..

可能你要搵一個同你同一理念，唔介意無節日慶祝嘅人..

如果你同當日嗰個女人都有機會發展，我會祝福你地

你可以話我唔叫你留時間俾我，但當你睇返時間序

其實我一直無say

你已經訂好星期一又話買埋飛，我只可以接受

你可以話我唔出聲講去你度或者出街剩係出一日

但調轉講你有無問我連出兩日得唔得？有無問我去唔去你度？

到我問你「係咪去你度？」你答「你喜」

可能你無其他意思，但其實俾我感覺你唔係咁想我去

而你咁答，我其實唔係咁喜你咁樣答我

我去你度，我嘅空間只有你間房嘅一張床

去你到，我嘅空間係你..

但你就上網打機睇片，我會好悶！

最後，你可以繼續認為我係因為有第二個所以要分

但真正係我講嘅以上嘅原因

買俾Mo 仔的衫

今日同媽行Polo outlet

諗住買衫仔俾Mo 仔✨

買左6樣野..

$995😅

Day2

 第二天紀錄

紀錄

 今天起開始紀錄這棵小小的植物

看看會不會快高長大✨✨

Day1

退全數

 今日放假所以即刻打去港航改機票！

佢竟然話可以退機票

仲話可以退全數

不過話要經代理嗰邊再搞

退款時間大概等2-3個月

等不是問題！✨✨

有得退都好～只要唔好無了期咁改就得啦😓

公司請食飯！

 公司請食飯！

我地去寢宮

酒吧嘅野食都好食！

牛食左少少（兩啖）

一啲都唔韌！！

羊又係～～超好味✨✨✨

打風但WFH

尋日公司話因為預計會打風

所以叫我地拎電腦返屋企WFH

🤦🏻‍♀️🤦🏻‍♀️

所以今日就在家工作了

唉～～

親親大自然

同查理、佢男友同Eddie 去大埔蝶豆花園！

好難得約到去玩～可惜Yuki 無去🥺

我地大埔墟食完早餐就搭車出發！

好彩我地一早去！

我地餵草泥馬🦙BB～

本來話20分鐘！

但我地玩時無人餵，我地影相影左好耐！✨✨

之後就去玩船仔

好攰！

又係根本住你踩，知你攰自然會上岸😂😂

之後影相～～

呢條友條痴線！

推到勁高！

我手又唔夠力，一衝落黎就仆街了...

我地去換蝶豆花飲品，入場仲包每人3個coins 夾公仔

兩位男士好勁！

12個coins 已經夾到2隻～～✨✨🦙

之後行左個花園一陣...好多都荒廢（定因為季節？所以無開）

唯一一朵盛放的向日葵..🌻

所謂的天空之好鏡，真係用鏡砌

仲要影時太陽曬到痴線！

眼都開唔到

搵到個位影相！好美～～✨✨✨✨

大概3點零走時先發現勁多人去！！

本來想留返啲卷再餵草泥馬

點知超多人！