西貢之行

一大朝早就出發到西貢...食早餐
到了伯父的茶餐廳
亞嫂請我食早餐啊！！！

然後去了買六合彩，因為獎金有$1500萬
又馬會未夠鐘開門，因此門外聚集大量人 (一班爛賭的人)

每人講一個NO.
然後不知怎樣買的就每人夾了$17.5


之後就坐船到橋咀島
今天天氣很好呢
但我較希望有一點雲囉…






超怕行石路，我穿的是CONVERSE 啦
而我又是敏感肌，超痛苦！






之後就回市中心再轉搭到三星灣魚排
好凍，本人釣不到魚…
但其他的都釣得到！

(這是文祖詒釣到的，是咱們隊中釣到最大條的！)



BBQ時玩了一個遊戲
現，大家只記住"豬大腸"、"Amy的頭髮"、"胸圍"、"豆腐"…

真的越夜越凍！！！！
回程搭的大飛…凍到我地幾位想死！
聽說文生更將他的頭放於……哈！！！！！


-


咱們的合照

電影VS電視

因為想比較電視版本的《恋空》及電影版本的《恋空》
所以…昨晚超夜回到家都要看電影版本
最後，我是6:15am才看完睡覺
10:30am又起身返工

所以，好攰
(雖然是自己攞黎，但我的生活並不是只有工作囉！)
我的感覺是，還是電視版本好看
唔…我知道2小時的劇情一定不比6小時的豐富
我沒有看到原著
但電視版本的起碼有講點解ヒロ會鐘意美嘉

又，電視版本的男女主角雖然得16(女)及20歲(男)
但做得自然過電影版

又唔知搞咩新垣結衣死都唔同人咀(借位拍攝)
觀眾(即我)睇都睇得唔投入
即係你地無咀然後瞓O係床就有左BB會唔會搞笑左?!
(又係因為2小時關係?)

抬起我的頭來

這個月都沒有停過每日返早一個鐘
記憶中只有2-3天是不用返早的！
我，已經倦了
幸好食飯時抬頭望向天就見到美麗的天空


不是因為一套《恋空》才令我喜歡天空啦
我都真係好鐘意天空囉！

MR. Y

原來從電視看到的明星比真實的高很多
(因此有了"視覺效果")

初初聽到有明星到舖還有一點點興奮
(嗯，都出名的，而且屬靚仔類)
還有他都屬於型及高大類別
但，我從後場見到矮小的他
(爸爸比他高，ok，我覺得冇問題..但連Eric都高過佢！
要明白，我只比Eric矮少許！)
靚仔都無用，此後，望都無望過佢～
他和沈生於beauty 枱前傾計亦一樣無望過佢！

點解我總覺得他應該不是這個身形呢?!

恋空

昨天假期，於家裡看了劇集版本的《恋空》


因電視版本只有6集
所以一口氣把整套劇看完了…

看完的結論是：
喊死我！
大概是因為劇裡有某些情節跟我所遇到的一樣吧
我整個人墮入了劇情中～
因此，今天起身眼腫到像被人打腫
(最後當然有我的方法可以消腫而不需任何附助品)
出門口時我的左眼變成單眼皮
返到公司終於有人見到我有畫眼線(或眼影)

至於劇內是哪部分令我喊到豬頭咁就不多說了
相信大家看後都應該不會知道的
但此劇其實好感動～
此劇亦有瑛太的親細佬啊！！！！
又係聲同樣都似的～

我想像你們般

眼見一個個找到自己的目標而又可以實踐的
很羨慕你們！
我也有我的目標，但需時應該蠻長！
而且這個目標的附加東西還有太多…
累了…但我仍堅持著(雖然是辛苦的)
希望直到那一天到來前仍然可以堅持著(希望吧！)

我用錯了方法去等待這個時間
其實真的很長嗎?!
好像不是，但數著數著又好似要等好長時間才到
嗯…光想到這裡，心情變得煩躁了………

燥底

今天，我絕對要向Amy(或chashier)致歉
(其實已道過歉了～)
最近不知怎樣的，會為一些少到不堪的事而發脾氣
希望大家大人有大量，請忍讓忍讓！(押韻的)

-

另外，朋友們認真唔話得
大家都為我去搜集資料
唔，指日可待啊！
(希望在明天)

新舖

2008件11月14日 星期五

一早計劃好放工到尖咀逛UNIQLO
然後再到109(今天soft opening)

一心想買那件牛角tee
去到竟然冇！！
問過職員，仲要話只有童裝才有牛角tee(！！)
激死～

走人，再戰109

大到呀，靚到呀
D acrylic 新到呀
H&B 張table 枱大到呀
D 貨齊到呀(連眉gel都有！)

而紅姨Poko好似變得沈靜了～

有點羨慕這裡工作的人…
樓下有ANNA SUI呀！
我想買tee呢～～～
而且出面仲有個無敵大海景

好舒服啊～

仲有嗎?

生日過了那麼久
現在仍有生日禮物收
最近的先有Flora 送的香水～
(但，包裝真係好靚，到現在仍未拆)
昨天就有智恆哥哥送的(夾錢買的)Shure SE110耳筒

如果大拿拿拎$780買耳筒，真係有點赤！
謝謝智恆哥哥，原來這份所謂的禮物是你送給我的第一份禮物
(始終不是你出哂錢，因此叫"所謂")
浸完鹹水返黎的確唔同D！

從來沒擔心Shure耳筒音色問題
的確，
一分錢一分貨！一聽就知沒買錯。
但不知是否用了Sony EX71SL 超過3年
(又難得佢死都唔肯壞！)
有了對比，又好像Sony 的音色較好(個人認為)
不過，我知道耳筒是需要時間"煲"的
希望在明天！

-

請plan 台灣之旅！

上網

我的電腦最近一直好難上到網(網絡問題)
可以說每天總有某段時間上不到網

我家有兩部電腦
一部是我的，一部是李生的
(其實李生並不止得一部電腦)
我們是用router上網的
我不知道是否router問題而導致上不到網 (但個人強烈認為"係"！)
而李生就一直認定是我電腦中毒
於是，他就幫我裝過一個新window
但昨晚用過…依然有這一個情況
討厭！

可知道轉了一個新window後要做的事有多少?!
要將之前有用的檔案由A轉到去B
又要將一些重要的(或有用的)software重新安裝
呀…我電腦現在沒有iTunes呢………
煩～～～

大細馬

2008年11月11日 星期二

因為一件小事(只是因為不滿食5:30PM)而發脾氣
相信嚇到不少人！
然後在貨場悶到"dum"了地下一下而被彭牌見到
笑到佢…
真係好悶～～～
希望早日完成大計！
傑特，今回靠你了！

-

晚上吃了馬大小姐之補慶祝生日飯(個名都幾……)
大馬、細馬的對話簡直做show 咁～
相當精彩！
淨係睇佢地講今年生日已經笑死


而104經理的一番話亦相當好笑…
"一樣樣喎！"
但係如果經理見過細馬後會唔會覺得細馬真係好樣d?!哈～

燒燒燒

2008年11月07日 星期五

是夜BBQ日
話就話好多人去，但到最後去的只有9個人去
(其中一個好似食都無食就走了～)

原來宜家興租枱，仲要$20/張
經一輪擾攘，$30/2張成交～
還附送亞姐表演"透"火！！！！
畀D掌聲有請亞姐～～～




都見過三代緋聞了！
但不是聚首一堂那種…
難得見到芝士(嗯…真係好難約)

-

燒完都已經係夜深，仲要傾電話傾到2:XXam
真係未死過～
好耐未試過鬧鐘響左2次仲要校遲多5分鐘起身…
真係好攰，於貨場發夢了一個早上…

周年晚會

今日茶餘飯後的話題是Annual Dinner
原來本人已經叫做參與過2屆…
(第一年去到已是尾聲，所以叫做參與過下)
但本人的記憶只局限於"倫敦大酒樓"那一屆
唔知點解，可能只記得當時o係度嗌

而今年…我抽到$500
但一丁點記憶都沒有…
連在哪裡舉行都忘了～

然後某同事又話如果到5年後攞"老人獎"時所登出來的相好嚇人
5年……真的好長呢～

假設問題：(註：假設呀下)
現已做了2年，3年後繼續做落去會變成點?!
我會否呢世都係要講，"我係107的Suki"
而如果我離開了，3年內會否已經完成了我的出走計劃?!

笑到死飯局

美麗短暫回流
相約西貢碼頭吃飯～(再次西貢！)
馬駒終於蒲頭，帶領咱們不斷狂笑
好攰！

好笑的有：
1. 茄汁扮NOTHING
2. 每人叫了一杯Cocktail，然後互相試飲 (就這樣應該跟了很多人間接接吻了～)
3. 文祖再講澳門之旅的靈異經歷被咱們人手打格仔及變聲
4. 影大合照時相內的人朦了，7日後會死 (只有Poly媽一人不會死)

-

今天見到王子很高興～
期待後天3代緋聞之約會……

出走

是夜與Kidd大玩"撚治撚般"
而Kidd又真係認真地答我
好笑～

究竟出走3個月要用多少盤串(?!)??
被大家叫我應該要出走
我會的，但未賺夠盤串怎能離開?!

西貢飯局

2008年10月31日 星期五

放工與文祖坑口會合彭牌出發西貢
適逢萬勝節，晚上的西貢竟然咁多人～




(餐廳擺設)

到宜家仍然回味那個青咖哩～
還有杯"NOTHING"


(初初點了"SEX ON THE BEACH"，但覺得"NOTHING"較好飲而轉飲
到轉飲了"NOTHING"卻又覺得"SEX ON THE BEACH"較好飲...矛盾！)

期待下次西貢飯局～

P.S. 是次活動馬駿駒再次成為飛機王！

蛤乸

看到《翡翠歌星賀台慶》，周子駒著的那件"蛤乸衣"(連身衣)
就想起早幾天我在轉場時突然有個男人走埋黎指著Garment 的catalogue講

男人："有乜理由大人會有呢d連身衣?多數都係細路先有架嘛！"
(其實好忙的我要有禮貌的答他)
我："宜家好多大人衫都有呢d款"
男人："大人點著呀?通常細路先至有架嘛"
我："係呀，大人都有呢個款，不過香港暫時未有…"
男人："呢d衫通常o係少數舖頭先有得賣架嘛…"
唔耐煩的我："我地咪係呢d少數嘅舖頭囉～"

之後，我完全沒有再理會過他
而他就轉攻Amy及Eva
但她們都沒理他
他於是全場走勻，不斷重複重複再重複
他去到CS counter 見到有顧客意見書
他…寫了！
然後，交給Kevin並重頭講多一次
(對，因此我聽他講了起碼5次)
我看得出Kevin明顯不耐煩但又要表現customer service，表情多尷尬～
最後Kevin接了意見書
但聽說是把它扔了～

所以，希望那位先生有看到今晚的《翡翠歌星賀台慶》
他就會知道其實大人衫真係會有連身的～

而他所說的連身衣是這裡